KEBUMEN Blckasoetakebumen.com – Semangat politik sing bungah lan kepenak digawa tekan pelosok desa neng relawan Gajah Gajah Kebumen. Ngisore arahan DPD Partai Solidaritas Indonesia (PSI) Kabupaten Kebumen, lomba doro (merpati) kolongan digelar rame banget nang Dukuh Kembar, Desa Tambakmulya, Kecamatan Puring, dina Ngahad (10/05).
Kegiatan kiye digawe nggo sarana sing strategis nggo ngenalna PSI luwih cerak maring masyarakat, utamane sing manggon neng wilayah pesisir kidul Kebumen.
Inisiasi Gajah Gajah Kebumen nggo Rakyat
Acara kiye ditekani lan dibuka langsung nang Ketua Gajah Kebumen, Mas Sigit . Pas acara kuwe, Mas Sigit jagongan langsung karo warga nggo ngrungokna aspirasi, sisan ngenalna nilai-nilai perjuangan PSI sing santun lan merakyat.
"Kegiatan sing basisse hobi rakyat kaya lomba doro kiye cara sing paling matih nggo mbangun komunikasi sing anget. Dewek pingin PSI dudu mung dikenal jenenge tok, tapi dadi kanca sing teka neng tengah-tengah kabungahan warga desa," jere Mas Sigit pas lagi nunggoni lomba.
Dheweke uga nambahi nek mandat sekang Ketua DPD PSI Kebumen, Mas Dipa,yakuwe kon terus ngraketna tali silaturahmi liwat kegiatan sing positif lan ana gunane langsung nggo komunitas.
Atusan Peserta ngebaki Lokasi
Semangate masyarakat keton pol-polan. Lokasi lomba dikebeki neng kurang luwih 200 wong, ana sing dadi peserta lomba, ana uga penonton sing dadi kepengin weruh kepinterane doro kolongan mbalap. Sing melu lomba jebule dudu mung wong Desa Tambakmulya tok, tapi uga seko desa-desa liyane neng sakubenge.
Neng kompetisi kiye, panitia nyiapna hadiah Piala DPD PSI Kebumen karo hadiah dhuwit pembinaan sing totale 5 juta rupiah, Kiye dadi bentuk apresiasi nggo para pemenang sing dorone bisa mabur paling apik lan trengginas.
Nyiptakna Politik sing Bungah
Liwat inisiatif Mas Sigit lan tim Gajah Kebumen, keramean neng Dukuh Kembar kiye dadi bukti nyata nek pendekatan liwat kegiatan kemasyarakatan teyeng nyiptakna suasana politik sing bungah lan kebak paseduluran.
PSI ngarep-arep, liwat anane Gajah Kebumen neng tingkat ngisor (akar rumput), masyarakat dadi tansaya krasa nek partai kiye perduli karo potensi lokal lan hobi sing wis dadi bagian seko uripe warga
Jurnalis Resa
