Blacasoetakebumen.com Ora Ngapak Ora Kepenak Kebumen – Kepemimpinan Kepolisian Resor Kebumen resmi ganti. AKBP Rachmad C. Yusuf, S.I.K., M.Si. saiki dipercaya dadi Kapolres Kebumen sing anyar, ngganteni pejabat sedurunge AKBP I Putu Bagus Krisna Purnama, S.I.K. sing olih tugas anyar dadi Wakapolresta Klaten.
Acara serah terima jabatan dipimpin langsung karo Kapolda Jawa Tengah Irjen Pol Roy Hardi Siahaan neng Markas Polda Jawa Tengah, Selasa, 6 Oktober 2026.
AKBP Rachmad C. Yusuf dudu wong asing neng jajaran Polda Jawa Tengah. Sakdurunge mimpin Polres Kebumen, panjenengane tau dadi Kapolres Pekalongan.
Mutasi iki dadi bagian saka dinamika internal Polri nggo njaga roda organisasi, pembinaan karier, penyegaran, lan ningkataken pelayanan marang masyarakat.
Kelawan pengalaman kerjane neng Pekalongan, AKBP Rachmad diarep-arep bisa cepet adaptasi karo kahanan sosial budaya sarta kamtibmas neng wilayah Kabupaten Kebumen. Panjenengane uga diproyeksikan nerusake program sing wis ana lan kuwataken keamanan uga ketertiban masyarakat.
Neng ngisor kepemimpinan anyar iki, arah kabijakan Polres Kebumen selaras karo program pimpinan Polri sing luwih ngutamake pendekatan humanis lan kekancan karo masyarakat. Pendekatan iki nempataken warga dadi unsur penting nggo njaga kahanan sing kondusif lan nambah kepercayaan publik marang polisi.
Demenane, pejabat lama AKBP I Putu Bagus Krisna Purnama bakal nerusake tugas lan pengabdian neng nggon sing anyar dadi Wakapolresta Klaten. Pergantian pimpinan iki diarep-arep bisa nggawa semangat anyar lan strategi sing luwih pas karo tantangan tugas neng saben wilayah.
Plubiser red
