ORA Ngapak ORA Kepenak blackasoetakebumen com ,KEBUMEN – Ora krasa, sedhela maning dewek kabeh bakal nemoni dina kemenangan. Kanggo nyambut Idul Fitri 1447 Hijriah, Pimpinan Daerah Muhammadiyah (PDM) Kabupaten Kebumen wis resmi ngetokna daftar lokasi Sholat Idul Fitri nggo kabeh warga Muhammadiyah lan masyarakat umum nang wilayah Kebumen.
Kabar kiye dirilis ben para jamaah gampang nggolet panggonan sholat sing paling pedhek, ben ibadahe dadi tertib, khidmat, lan nambah paseduluran.
Adhedhasar data sekang Majelis Pustaka dan Informasi PDM Kebumen, ana puluhan titik sing wis disiapna, molai sekang lapangan amba tekan halaman masjid.
Alun-Alun Pancasila Dadi Pusat Utama
Nggo wilayah Kota Kebumen, Sholat Id bakal dipusatna nang Lapangan Alun-Alun Pancasila Kebumen. Panggonan kiye diprediksi bakal nampung ewonan jamaah.
Liyane nang pusat kota, kabeh Pimpinan Cabang (PCM) lan Ranting (PRM) uga wis siap-siap. Kiye daftar sawatara lokasi liyane:
1. Wilayah Wetan & Kidul:
* PCM Kutowinangun: Lapangan Futsal Komplek SMK Muhammadiyah Kutowinangun.
* PCM Prembun: Halaman SMPN 1 Prembun.
* PCM Ambal: Masjid Marjanur Ramadhan, Ambal Kliwonan.
* PCM Mirit: Masjid Mambaul Ulum, Dusun Aglik, Lembu Purwo.
2. Wilayah Kulon & Lor:
* Gombong: Kampus Universitas Muhammadiyah Gombong (UNIMUGO) lan Lapangan SDN 2 Kalitengah.
* Karanganyar: Alun-Alun Karanganyar.
* Ayah: Masjid Al Manar (Komplek SMP Muh Ayah) lan Masjid Al Asas Jatijajar.
* Sempor: Lapangan Masjid Pancasila, Tunjungseto.
3. Wilayah Tengah & Fasilitas Kesehatan:
* Pejagoan: Lapangan Pejagoan.
* Sruweng: Halaman Masjid Baiturrahman RS PKU Muhammadiyah Sruweng lan MIC Simpang Lima.
* Petanahan: Halaman Kantor Kecamatan Petanahan lan Halaman RS PKU Muhammadiyah Petanahan.
Pesen nggo Jamaah
Pihak PDM Kebumen ngajak kabeh warga ben nyambut Idul Fitri kanti rasa syukur. Jamaah dijaluk teka luwih gasik (awal) ming lokasi ben ora keri lan gampang diatur saf-e nang panitia.
"Informasi kiye muga-muga dadi panduan nggo jamaah milih panggonan sholat Idul Fitri ben kabeh mlaku kanthi tertib lan rukun," tulis rilis resmi sekang PDM Kebumen.
Nggo sedulur sing kepengin ngerti daftar lengkap imam, khatib, utawa lokasi liyane, bisa langsung takon ming kantor PDM Kebumen nang Jl. Indrakila No. 38A, Kebumen.
Sugeng riyadi, Taqabbalallahu Minna Wa Minkum. Muga-muga ibadahe dewek ditampa nang Gusti Allah.
Plubiser:red
