KEBUMEN Blckasoetakebumen.com ORA ngapak ORA kepenak – Suasana Bakda (Lebaran) taun kiye krasa pisan angete neng tlatah Kebumen, utamane neng wilayah Kebumen . Ketua Fraksi PKB DPRD Kebumen, Solichudin, ngaturaken ucapan sugeng riyadi maring kabeh warga masarakat Kebumen.
Liwat momentum 1 Syawal 1447 H kiye, Solichudin sing dadi wakile rakyat sekang Fraksi PKB, ngajak kabeh elemen masarakat nggo saling ngapurani lan mbukak lembaran anyar sing luwih apik.
"Sedulur kabeh warga Kebumen, mumpung taksih neng sasi Syawal sing suci kiye, nyong pribadi lan atas jenenge Fraksi PKB DPRD Kebumen ngaturaken: Sugeng Riyadi Idul Fitri 1447 H. Mohon Maaf Lahir lan Batin nggih," ujare Solichudin kanthi sumringah.
Mbangun Kebumen Kanthi Semangat Kebersamaan
Ora mung sekadar ucapan, Solichudin uga nekanaken pentinge njaga tali silaturahmi utawa "seduluran selawase". Miturut deweke, kemajuane Kebumen kuwi gumantung marang guyub rukune wargane.
"Kaya filosofine ketupat, senajan rupa-rupa anyamane tapi nek wis dadi siji dadi panganan sing enak pisan. Semono uga awake dewek, senajan beda-beda penemu, tapi nek wis nggo kemajuane Kebumen ya kudu nunggal dadi siji (kompak)," tambahe karo logat Ngapak sing khas.
Neng poster sing disebar, Solichudin uga katon bareng karo Ketua Umum DPP PKB, Dr. H. A. Muhaimin Iskandar (Gus Imin), sing dadi simbol sinergi antarane kebijakan neng pusat lan aspirasi warga neng daerah, utamane neng Kebumen.
Harapan Kanggo Kebumen mBesuk
Minangka Ketua Fraksi PKB DPRD Kebumen, Solichudin nduweni komitmen nggo terus ngawal program-program sing pro-rakyat, utamane neng bidang kesejahteraan, pendidikan pesantren, lan ekonomi lokal.
"Moga-moga bar lebaran kiye, awake dewek dadi pribadi sing luwih resik, luwih sregep nyambut gawe, lan sing paling penting tetep njaga kerukunan neng tengah masarakat. Kebumen kudu tambah hebat, tambah gayeng!" pungkasipun.
Plubiser:red
.jpg)
