KEBUMEN Blackasoerakebumen.com ORA ngapak ORA kepenak – Unggahan video nang salah siji akun TikTok siki-siki kie dadi omongan wong akeh merga ngandani nek kondisi PT BPR Bank Kebumen (Perseroda) kuwe aman-aman bae. Nang video kuwe, akun kasebut ngewai narasi adem maring netizen karo nasabah nek operasional bank duweke daerah kie mlaku normal, sehat, lan aman banget. Wong-wong ya diajak tetep percaya nggo nabung, jupuk kredit, utawa deposito, kanthi klaim nek rasio kredit macet utawa Non-Performing Loan (NPL) esih nang ngisor bates aman regulasi, yaiku limang persen.
Nanging, kahanan sing beda nang jagad nyata keton pas ndeleng rilis laporan keuangan resmi bank kie. Adhedhasar data audit finansial paling anyar, angka NPL bruto Bank Kebumen jebule mundhak dhuwur banget, beda adoh karo sing diomongna nang konten video TikTok kuwe, ndadakna sempet methuk angka belasan persen. Bedane angka sing adoh banget antarane pencitraan digital karo dokumen keuangan asli kie nampa kritik pedhes sekang pengamat kebijakan publik, sing nakenna babagan transparansi informasi maring masyarakat.
Secara teoritis, angka NPL sing dhuwur banget nang ndhuwur bates aman nuduhna nek ana masalah gedhe nang sistem tata kelola penyaluran kredit karo manajemen risiko internal. Undhakan kie dadi bukti nek fungsi pengawasan lan prinsip kehati-hatian utawa prudential banking nang nggone perseroan lagi lesu, saengga numpuk potensi rugi sing kudu ditanggung nang bank daerah.
Kahanan manajemen risiko sing dipertanyakan kie tambah nglokro merga ilangne potensi likuiditas akibat salah nggonaken dana antar-bank. Direktur Utama Bank Kebumen ngakoni nek dana perseroan sing cacahe 1,2 miliar rupiah siki statuse macet total nang PT BPR Bank Jepara Artha (Perseroda), yaiku lembaga keuangan sing izin usahane wis dicabut nang Otoritas Jasa Keuangan (OJK). Dana gedhe sing kejebak nang bank bangkrut kuwe otomatis nggawe ruang gerak likuiditas Bank Kebumen tambah sesek, pas lagi ngadhepi beban kredit macet internal sing durung rampung.
Ironise, nang tengah-tengah gegeran badai NPL internal karo macete dana nang Jepara, bank kie dinilai nggunakna kebijakan sing nggawe resah wong cilik. Miturut sambatane masyarakat, Bank Kebumen dianggep agresif banget lan kesusu nggon eksekusi lelang jaminan duweke debitur mikro sing lagi seret bayarane. Langkah cepet lewat jalur lelang kie dianggep ora nggatekna proses restrukturisasi sing luwih nggunakna rasa kamanungsan, sisan ngrusak fungsi dhasar BPR minangka penyokong ekonomi wong cilik.
Bedane kahanan antarane citra apik nang media sosial, undhakan NPL nang laporan keuangan, karo ilange miliaran rupiah dana daerah nang bank liya, siki nuntut anane audit investigatif sing jeru lan adil. Pihak bank dijaluk ora mung nengke bae crita aman sing sumebar nang donya maya, tapi kudu mbuktekna dandan-dandan sing nyata nang tata kelola kredit, supados kapercayan nasabah ora ilang merga pengelolaan risiko sing ringkih.
Plubiser Red
